လက်လုပ်လက်စား ပြည်သူတွေဆို ပိုလို့တောင် စားဝတ်နေရေး အခက်အခဲတွေကို ကြုံတွေ့နေရပါတယ် ။ ဒါကြောင့် ခုရက်ပိုင်းတွေမှာဆိုရင် ခက်ခဲကျပ်တည်းနေတဲ့ အခြေခံလူတန်းစားတွေ အတွက် စေတနာ အလှူရှင်တွေ စုပေါင်းပြီး စားသောက်ကုန်တွေကို လိုက်လံ လှူဒါန်းပေးတာတွေ လုပ်လာကြတာ တွေ့ရပါတယ် ။
ဒီလို အစီအစဉ်တွေကြောင့် ခက်ခဲနေသူတွေလည်း ခဏတာပဲ ဖြစ်ဖြစ် အဆင်ပြေသွားကြလို့ ပျော်ရွှင်နေကြတဲ့ မြင်ကွင်းတွေက ပီတိဖြစ်စရာပါ ။အခုလည်း ဝေဠုကျော် ဖောင်ဒေးရှင်းကနေပြီး တောင်ဥက္ကလာ မြို့နယ် အတွင်းရှိ ပလုံကောက် မိသားစုများနေထိုင်ရာ ရပ်ကွက်ထဲကိုသွားကာ တကယ်လိုအပ်နေတယ့် အိမ်ထောင်စု ၃၀ကို ရွေးချယ်ပြီး
တစ်အိမ်ထောင်လျှင် ဆန် ၃ပြည် ၊ ဆီ ၅၀သား ၊ ကြက်ဥ ၁၀လုံး၊ mask 50 ၊ အဝတ်ထုပ် တစ်ထုပ် တို့ကို သွားရောက် ကူညီထောက်ပံ့ခဲ့ပါတယ် ။ ဒုက္ခမျိုးစုံ ဘဝအဖုံဖုံ စုံလင်လှတဲ့ အဆင်မပြေလွန်းသူတွေ ခဏတာတော့ အဆင်ပြေစေခဲ့လို့ ပီတိဖြစ်ရတယ်လို့ လည်းဆိုထားရာ ပရိသတ်ကြီးအတွက် ပြန်လည်ဖော်ပြပေးလိုက်ပါတယ် ။
CRD– Cele Zonemdatenews
mdatenews
